Skip to content

გამარჯობა, მეგობრებო. დიდი, ძალიან დიდი ხანია, არაფერი დამიწერია საკუთარ ბლოგში, მითუმეტეს, Apple-ის თემატიკაზე. ამას თავისი მიზეზები ჰქონდა/აქვს, რაზეც ალბათ სხვა დროს დავწერ. მოდი, ახლა იმ თემას მივხედოთ, რაც სათაურში გამოვიტანე და რაც, ჩემი აზრით, ყველაზე მნიშვნელოვანია ამ დღეებში.

დავიწყოთ იმით, რომ Apple-ის სპეციალური ღონისძიებები უკვე მრავალი წელია რაც ტარდება, მათ შორის დეველოპერების ყოველწლიური კონფერენცია, რომელიც ერთ-ერთი ყველაზე მთავარი ღონისძიებაა. მასზე როგორც წესი წარმოადგენენ ხოლმე კომპანიის პროგრამული უზრუნველყოფის დიდ განახლებებს და ხანდახან აპარატურული უზრუნველყოფის განახლებასაც მიაშველებენ ხოლმე. ასეთი ღონისძიებების კოლექტიური ყურება მთელი მსოფლიოს მაშტაბით უკვე ტრადიციად იქცა და არც ქართული Apple-საზოგადოება ჩამორჩება მსოფლიოს.  2008 წლიდან, კერძოდ 1 აპრილიდან ჩაეყარა საფუძველი ჩვენს შეკრებას. ეს ხან რომელ კაფე-რესტორანში ხდებოდა და ხან — რომელში. მთავარია, ინტერნეტი ყოფილიყო გამართული. მერე ორიოდე წლით ჩავარდა შეკრების ტრადიცია, რაც ფრიად სამწუხაროა. მაგრამ აი, უკვე წლევანდელი წლიდან ჩვენ შევეცდებით აღარ ცავაგდოთ არცერთი ღონისძიება და რეგულარულად შევიკრიბოთ. ამჯერად შეკრების ადგილი არცერთი თბილისური საზ. კვების ობიექტი არ გამხდარა, არამედ ილიას სახელმწიფო უნივერსიტეტმა გვიმასპინძლა. ამ შეკრების ამსახველ ფოტოებს სხვა სტატიაში შემოგთავაზებთ, ამჯერად იმას გეტყვით, რომ სამწუხაროდ ხალხის ის ოდენობა, რომელმაც თავდაპირველად სურვილი გამოთქვა მოსვლაზე, ვერ/არ მოვიდა. მოკლედ, ოციოდე კაცი შევიკრიბეთ და დაველოდეთ ღონისძიების ვიდეო-ტრანსლაციის დაწყებას.

ჩვეულებისამებრ, კონფერენციის საკვანძო პრეზენტაცია კომპანიის ამჟამინდელმა აღმასრულებელმა დირექტორმა, ტიმ კუკმა გახსნა. ტრადიცია, CEO-ს მიერ პრეზენტაციის წაყვანისა, ჯერ კიდევ სტივ ჯობსისგან მოდის და უცვლელად ხორცილედება უკვე მრავალი წელია. ჩვენ მოგვიანებით, ან თუნდაც ცალკე სტატიაში ვისაუბრებთ იმაზე, თუ რითი იყო ეს კონფერენცია გამორჩეიული, განსხვავებული და რატომ აღარ არის Apple ის კომპანია, რომელსაც ჩვენ სტივ ჯობსის დროს ვიცნობდით. კარგია, თუ ცუდი, ამას ჩვენ ალბათ რამოდენიმე წლის შემდეგ გავიგებთ.

წელს იყო მოლოდინები, რომ პროგრამულთან ერთად, აპარატურულსიახლეებსაც მივიღებდით 2 ივნისს. თუმცა ეს არ დადასტურდა და 2 საათიანი პრეზენტაცია მხოლოდ საოპერაციო სისტემების საკმაოდ დიდ ცვლილებებს დაეთმო.

აქცენტი გადატანილი იყო იმ სიახლეებზე, რომლებიც დეველოპერებისათვის იქნება მნიშვნელოვანი და რომლებიც განსაზღვრავენ იმ კურსს, რომელიც Apple-მა აირჩია უახლოესი რამოდენიმე წლისათვის. ამის შეფასება ამ ეტაპზე ცოტა ძნელია, თუმცა ის ხელსაწყოები, რაც ღონისძიებაზე აჩვენეს, შესაძლებლობას მოგვცემს შექვმნათ ისეთი რამეები, რაც Android-ზე გაცილებით გვიან გამოჩნდება.

ახლა მოდი თანმიდევრულად მივყვეთ წარმოდგენილ სიახლეებს.

...continue reading "WWDC 2014 — მოლოდინები და შედეგები"

დეტექტივი: გამომძიებელმა უნდა გამოიცნოს, პერსონაჟებიდან ვის არა აქვს აიფონი, არამედ ანდროიდი.

პოლიციური რომანი: პოლიციელი კარგავს მეწყვილეს და მის აიფონზე დაიფიცებს, რომ შურს იძიებს.

სასიყვარულო რომანი: გოგოას აქვს აიფონი და ბიჭსაც აქვს აიფონი.

მძაფრსიუჟეტიანი სასიყვარულო რომანი: ბიჭს აქვს აიფონი, გოგოს ჯერ არა. ბოლოს ბიჭი ჩუქნის აიფონს.

ფანტასტიური რომანი: გოგოს აქვს აიფონი 5, ბიჭს — აიფონ 6.

კიბერპანკი: ორივეს აქვს აიფონ 7.

ალტერნატიული ისტორია: ყველას ანდროიდები აქვთ.

კომედია: გოგოს აქვს აიფონი, ხოლო ბიჭი უმტკიცებს, რომ ანდროიდი ჯობია. ბოლოს გამოჩნდება თეთრ-აიფონიანი უფლისწული.

ტრაგედია: ნაწარმოების გმირს უფუჭდება აიფონი.

ანტიკური ტრაგედია: ნაწარმოების გმირს უფუჭდება აიფონი 3G.

საბავშვო-სათავგადასავლო რომანი: ბავშვები უთვალთვალებენ ტიპს და გამოარკვევენ, რომ მას ანდროიდი აქვს.

ფენტეზი: აიფონებს მეტროში არიგებენ უფასოდ.

სერიალი: აიფონი, აიფონი-2, აიფონი-3, აიფონი-4, აიფონი-5, აიფონი თითქმის არჩანს, აიფონის დაბრუნება.

ფანტასტიური ბოევიკი: აიფონი ტერმინატორის წინააღმდეგ. ბოლოს აღმოჩნდება, რომ ტერმინატორი ანდროიდია.

პოსტაპოკალიპსი: სამყაროში აიფონის მხოლოდ ერთი დამტენი დარჩა, მთავარი გმირი მოიპოვებს მას ყველასთვის, მაგრამ ანდროიდისგან იღუპება.

რევოლუციური პროზა: სერგო ორჯონიკიძე და ფილიპე მახარაძე ფიცს დებენ მოკბეჩილი ვაშლის დროშა ააფრიალონ თბილისის თავზე.

ქალაქური სიმღერა: რამიშვილის ხმით მღერის „მზე აყვავებულ აიფონებს დაჰხარის“.

შანსონი: „ანდროიდებს ვინ დაიჭერს კარგო, გალიაში აიფონები ზიან“.

ანეკდოტი: ერთი კაცი მივლინებაში წავია და აიფონი სახლში დარჩა.

ანდერგრაუნდი: მთავარ გმირს ნოკია აქვს.

ქართული ზღაპარი: ხუთკუნჭულა ამარცხებს ანდროიდს, ცოლად მოყავს მზეთუნახაი და მზითვში აიფონი მოყვება.

სამეცნიერო-ფანტასტიური რომანი: „ესიზმრებათ თუ არა ანდროიდებს აიფონები?“ მთავარი გმირი მფლობელთა დაუკითხავად უცვლის ანდროიდის მფლობელებს ტელეფონს აიფონზე.

განახლება, მოგვაწოდა ლუკა ონიანმა:

რომანტიული დრამა: ანდროიდს და ვინდოზა მობაილს შეუყვარდებათ აიფონი. 

თრილერი: ანდროიდები ძარცვავენ ბანკს. პოლიციელი ვინდოზა მობაილები მათ ვერ აჩერებენ, იმიტომ რომ აპპ საპორტი არ აქვთ. საქმეს აგენტი აიფონი ჩაიბარებს. 

მისტიკა: ანდროიდებს ღამე ხმა ესმით რომ ისინი სინამდვილეში ვინდოზა მობაილები არიან. ფსიქოლოგიური ტერორისგან მათ აიფონი გადაარჩენს, როცა სისტემას სტოკ ანდროიდამდე დაუყვანს, მოაშორებს რა სამსუნგის ბრჭყვიალა აპლიკაციებს. 

ანტიჰოლივუდური, ანტიჰეფიენდური ჟანრი: აიფონი იხსნის სამყაროს ბოროტი ვინმობაილისგან, ბრძოლაში დაშავდება და რესტორის დროს, აინტუნსთან არასწორი სინქის გამო, მეხსიერებას დაკარგავს (ანდროიდები დააზიანებენ ბექაფს) :)))))

უტოპიური-ფანტასტიკა: მომავალში ყველა დევაისი სტანდარტული ჰარდით გამოვა, ყველა OS-ს აქვს ამ ჰარდის საპორტი, რის გამოც ყველა დევაისზე შეიძლება იმ სისტემის დაყენება რომელიც იუზერს სურს, თანაც დუალ და ტრიპლ ბუთით

1

WWDC-2013

2

მეგობრებო,

გუშინ საღამოს ერთ სამწუხარო დასკვნამდე მივედი, რომელსაც ახლა გეტყვით.

ოთხი წელია არსებობს გემუგი, საქართველოში მაკის მომხმარებელთა ჯგუფი. ამ ხნის განმავლობაში უკვე იყო იმის მცდელობა, რომ ამ ორგანიზაციის საიტი გამემართა და შემექმნა ერთიანი სივრცე მაკის ყველა მოყვარულისათვის, როგორც ინფორმაციის მიღების წყარო (ახალი ამბები, გაკვეთილები, ე.წ. How-To და ა.შ.), ასევე ურთიერთობისათვის, ფორუმის სახით.

სამწუხაროდ თუ საბედნიეროდ, პირწიგნაკმა ფორუმის ნაწილი სრულიად თავისკენ გადაქაჩა. დღეისათვის ჩვენს ჯგუფში 585 წევრია. არანაირი პირი არ უჩანს იმას, რომ ხალხმა მიატოვოს ერთხელ მიჩვეული ადგილი და სხვაგან გადასახლდეს. ასე რომ შეგვიძლია ფაქტად ვაღიაროთ: პირწიგნაკის ჯგუფი არის ფორუმი! და თუ თქვენ დაინტერესებული ხართ მაკისტების ჯგუფში გაწევრიანებით, მოგვიკაკუნეთ ამ მისამართზე GeMUG — ჩვენი ჯგუფის კარი ყოველთვის ღიაა.

რაც შეეხება შიგთავსს, რომელიც უნდა დაეხმაროს ახალბედას მაკის სამყაროში. გემუგის საიტზე, პირველ საიტზე ერთი პერიოდი ვაქვეყნებდი ინფორმაციას. ორიოდე ადამიანმა მხარი ამიბა, თუმცა პირადი საქმეების სიდიდის გამო, იძულებულნი გახდენენ თავი დაენებებინათ. მე ერთი პერიოდი ინერციით განვაგრძობდი. თუმცა შემდგომში ოჯახური არეულობის გამო მეც შევეშვი. პარარელურად ასევე გემუგელმა ირაკლი ჩიტიშვილმა შექმნა საკუთარი საიტი, macdaily.ge. ირაკლი ხშირად არა, მაგრამ სტაბილურად აქვეყნებს სტატიებს თავის ბლოგში, რაც ფრიად კარგია. ერთი პერიოდი გემუგის საიტზე მისი ნებართვით გადმომქონდა კიდევაც სტატიები. მოკლედ, შიგთავსის შექმნის საკითხში დიდი ჩავარდნა გვაქვს.

შემდეგ ავდექი და წავშალე საიტი. სულ. და დიდი ხნის განმავლობაში გემუგის საიტზე ობლად იყო წარწერა, რომ აი აქ, სულ მალე კვლავ გაიხსნება გრანდიოზული რამ!

მაგრამ! მაგრამ, რა აზრი აქვს ახალი საიტის დიზაინზე მუშაობას, წვალებას, დროის ხარჯვას, თუ იქაც უსახელო უფლისციხელივით ვიქნები მარტო და მხარში არავინ ამომიდგება? ალბათ არა აქვს აზრი.

ამიტომ მე მივიღე გადაწყვეტილება. გადაწყვეტილება, რომელმაც რეალურად შვება მომგვარა. მე აღარ გავაკეთებ ამ საიტს. gemug.ge-ზე სტატიკურად განავთავსებ ინფორმაციას ამ ორგანიზაციის შესახებ, რომლის ბედი გარკვეული მომენტების გამო ამ ეტაპზე ბუნდოვანია. თუ რა ხდება, ამაზე სხვა სტატიაში მოგახსენებთ, როგორც კი ცოტა უფრო მეტ ინფორმაციას მივიღებ. სულ ეს იქნება მაგ საიტის დანიშულება.

სამაგიეროდ, ჩემს ბლოგზე კვლავ განვაახლებ ინფორმაციის დადებას ეფლის სამყაროდან. ვერ გეტყვით, რომ ძალიან ხშირად, მაგრამ შევეცდები ყველაზე საჭირბოროტო საკითხებს პასუხი გავცე.

...

P.S. ჰო, დავიღალე, ძალიან დავიღალე ყველაფრისაგან. ეს სტატიაც ალბათ ერთგვარი გამოძახილია იმ დაღლილობისა, რომელიც ჩემში ბოლო ათი წელია დაბუდებულა და გამოსვლას არ აპირებს...

გუშინ, 24 თებერვალს, სტივ ჯობსი 58 წლის გახდა. დიახ გახდა, მე წარსულ დროს არ გამოვიყენებ არასდროს...

Steve Jobs 58
Steve Jobs 58

Steve Jobs 57
Steve Jobs 57

დღეს სტივ ჯობსი 57 წლის გახდა. და არავითარი „გახდებოდა“. ბევრს არ დავწერ. ყველა ეფლისტმა იცის, უყვარს და პატივს სცემს მას.

დაბადების დღეს გილოცავ, სტივ...

2

ჩინებული ახალი სამყარო

Windows-ის სემდეგ ვერსიაში იქნება პროგრამული კოდის შესრულების ორი გარემო — .Net-ის ახალი ვერსია (ჯერ-ჯერობით აღინიშნება ნომრით 4.5) და კლასიკური C++ გარემო (ტექნიკური თვალსაზრისით, ეს არის COM, ან მისი ერთგვარი წარმოებული), ახალი სახელწოდებით WinRT. ასევე ვინდოუსის ახალ ვერსიაში გამოჩნდება ჩადგმული ბიბლიოთეკა სამომხმარებლო ინტეფეისების შექმნისათვის — DirectUI — რომელიც დაფუძნებულია Direct2D და DirectWrite API-ზე, რომლებიც უკვე წარმოდგენილია Windows 7-ში. Silverlight-ის ახალი ვერსია (კოდური სახელწოდება Jupiter), როგორც ჩანს, იმუშავებს DirectUI-ს დახმარებით. WinRT-ს და DirectUI-ს პირდაპირ .Net-იდან იქნება ხელმისაწვდომი.

WinRT წარმოადგენს თანამედროვე API-ს მრავალი ფუნქციისათვის, რომლებიც ადრე Win32 API-ს წარმოადგენდა. უხეშად რომ ვთქვათ, WinRT — ეს არის ახალი Win32, რომელიც დაპროექტებულია თანამედროვე C++-იდან გამოყენებისათვის და აგრეთვე იმისათვის, რომ ლამაზად ჩაჯდეს .Net-ის კონცეფციაში. რათქმაუნდა ნაკლებ სავარაუდოა, რომ WinRT მთლიანად შეცვლის Win32-ს, რომელიც იმდენად დიდია, რომ ადვილად არ ექვემდებარება მოდერნიზაციას, მაგრამ შემდგომ ვერსიებში ეს სრულიად შესაძლებელია. WinRT-ს პოზიცია ყოველი ახალი ანწყობის შემდეგ სულ უფრო მყარდება.

WinRT არა მარტო Win32-ის გაუმჯობესებული ვერსიაა — მაიკროსოფტი ასევე აფართოებს ფუქნციების რაოდენობას. მაგალითად, დაემატება ასინქრონული ოპერაციების ყოვლის მომცველი მხარდაწერა ფონურ პროცესებში ხანგძლივი ოპერაციების მარტივად შესრულებისათვის, ხოლო გაცვლის ბუფერის API გახდება კიდევ ურო მოქნილი და ადვილად გამოსაყენებელი.

DirectUI ეფუძნება WPF/Silverlight-ის მიმდინარე ტექნოლოგიის ქვესიმრავლეს და უზრუნველყოფს სამომხმარებლო ინტერფეისის დაკაბადონების მრავალფეროვან შესაძლებლობებს, რომლებიც Win32-ში არც არასოდეს ყოფილა. პროგრამები, რომლებიც დაწერილია C++-ზე, შეძლებენ DirectUI-ს გამოყენებას და ეს იქნება იგივე ხელსაწყო, რომელიც ექნებათ .Net-დეველოპერებს.

Jupiter — ფაქტობრივად Silverlight 6 — ხელსაწყოების სრულფუქნციური მოქნილი ნაკრებია აპლიკაციების შესაქმნელად. როგორ შეეთავსება ერთმანეთს DirectUI და Jupiter, ჯერ-ჯერობით უნცობია, შესაძლოა ისინი ასრულებენ ერთი და იგივე ფუნქციებს და DirectUI განვითარდება, სანამ არ მიაღწევს Silverlight-ის დონეს, შესაძლოა აგრეთვე, რომ DirectUI შითავსებს მხოლოდ საბაზო ფუნქციებს უფრო რთული ფრეიმვოკრებისათვის. ასევე შესაძლებელია სიტუაცია, რომ Jupiter-ი განკუთვნილია მხოლოდ სრულეკრანიანი, შეხებაზე ორიენტირებული აპლიკაციებისათვის.

სამომხმარებლო ინტერფეისების შექმნა XAML-ის, WPF-ისა და Silverlight-ის მსგავსი ხელსაწყოებით წარმოადგენს პრიორიტეტს Microsoft-ისათვის მომავალში. ამის დასტურია კომპანიის სტრუქტურული რეორგანიზაცია, რომელიც გასულ კვირაში დაიწყო. XAML-ის დეველოპერების ჯგუფი, რომლებიც ადრე DevDiv-ში იყვნენ შეყუჟულები, სამ ნაწილად გაიყო — Windows-ის XAML-ის ჯგუფი გადავიდა WinDiv-ში, ხოლო Windows Phone, XBox-ის ჯგუფი — Windows Phone-ში. თანამშრომელთა მხოლოდ ის ჯგუფი, რომლებიც უშუალოდ მუშაობდნენ ისეთ პროდუქტზე, როგორიცაა Visual Studio და Expression Blend-ი, დაჩნენ DevDiv-ში. მაიკროსოფტის შიდა წერილი განმარტავს, რომ XAML-ის ჯგუფი მუშაობდა WinDiv-თან წლების მანძილზე Windows 8-ზე და მიმდინარე ცვლილებებმა უბრალოდ ამ საკითხის ფორმალიზება მოახდინა.

ერთიანი, თანამედროვე, უნიფიცირებული Windows API

თუ ახლა Win32/C++ და .NET-ი სრულიად სხვადასხვა პლათფორმებია, თითეული მათგანი საკუთარი შესაძლებლობებით, ახლო მომავალში ისინი ერთნაირი უნდა გახდეს. თუ მაიკროსოფტი დაამატებს ახალ API-ს Windows-ის ბირთვში, ისინი ხელმისაწვდომი გახდება კოდიდან, რაც C++-ის ნიველირებას მოახდენს .Net-თან შედარებით. მეორე მხრივ არსებული აპლიკაციები, რომლებიც დაწერილია C++-ზე, შეძლებენ გამოიყენონ ახალი სამომხმარებლო ინტერფეისი ზედმეტი დაძაბვის გარეშე. ეს აქტუალურია აგრეთვე მაიკროსოფტისათვის: ორი პლათფორმის გათანაბრება კარს უღებს .Net-აპლიკაციებს, რომლებიც სისტემაში დაემატება.

მაგალითად ჩვენ შევძლებთ Office-ის ვერსიის ნახვას, რომლის ინტერფეისი პირვალდ ათწლეულის განმავლობაში დაწერილი იქნება Windows-ის სტანდარტული კომპონენტების გამოყენებით.

ჯერ-ჯერობით სრულად არ არის ცნობილი, თუ რა ბედი ელის WPF-ს. WPF-ი და Silverlight-ი მუშავდება ადამიანების ერთი ჯგუფის მიერ, მაგრამ ბაზარი Silverlight-ს აღიქვამს უფრო უკეთ, ვიდრე მის უფროსს ძმას. WPF-ს შეუძლია გააკეთოს ის, რაც არ შეუძლია silverlight-ს და სამწუხარო იქნება, თუ მის შესაძლებლობებს არ გამოიყენებენ Windows 8-ში. WPF და Silverlight ძალიან გაქვს ერთმანეთს და შესაძლოა Jupiter-მა გაერთიანოს მათი შესაძლებლობები.

მაიკროსოფტის ეკოსისტემის გათვალისწინებით WPF-ის მნიშვნელობის შემცირება და Silverlight-ის წინ წამოწევა სრულიად გამართლებულია. Silverlight-ი გამოიყენება Windows Phone-ის აპლიკაციების შექმნისას და არსებობს დაბეჯითებითი დამამტკიცებელი საბუთები იმის შესახებ, რომ Silverlight-ის ვერსია XBox-ისათვის უკვე წარმოებაშია. Silverlight-ის არსებობა Windows-ზე, Windows Phone-ზე და XBox-ზე ქმნის მაიკროსოფტის იდეოლოგიას „სამი ეკარნი და ღრუბელი“, რომელიც უზრუნველყოფს ერთიან გამოცდილებას.

თუმცა ჯერ არ არის ინფორმაცია იმის შესახებ, თუ რამდენად კარგად იმუშავებს ეს იდეოლოგია Windows 8-ში. Windows Phone-ის დეველოპერები ჯერ არ არიან დარწმუნებულები, რომ მათი პროდუქტები ადვილად გადავა Windows-პლანშეტებზე, განსხვავებით iOS და Android დეველოპერებისა. Windows-იც და Windows Phone-ის მხარს უჭერს Silverlight-ს, მაგრამ მობილური ტელეფონის სპეციფიკა მოითხოვს დამატებითი ფუქნციონალის არსებობას, რაც ჯერ არ არის დამატებული.

მომავლის არ გვეშინია

რამდენიმე კვირის წინ Windows 8-ის პრეზენტაციის შემდეგ ბევრს გაუჩნდა შეგრძნება, რომ აპლიკაციების შექმნა ახალი პლათფორმისათვის შესაზლებელი იქნება მხოლოდ HTML5 და JavaScript-ის მეშვეობით, რამაც შესაბამისად გამოიწვია მღელვარება Silverlight-დეველოპერებს შორის. Silverlight-ის ოფიციალურ ფორუმზე წარმოიქმნა რამოდენიმე თემა მრავალი მილიონი ნახვით. დეველოპერებს სურთ ახალი აპლიკაცების შექმნა ახალი ინტერფეისებისათვის, მაგრამ არ სურთ HTML5 და JavaScript-ის გამოყენება.

და მათ არც მოუწევთ. გსურთ ახალი აპლიკაციების წერა C++-ზე? უპრობლემოდ. გსურთ C# და Silverlight? ასევე ეს ტექნოლოგიებიც მხარდაჭერილია. იმის მაგივრად, რომ გადავყაროთ დეველოპინგის მთელი გამოცდილება წარსულში — ზუსტად ასეთი შთაბეჭდილება დარჩა ბევრს — Windows 8 გადააქცევს C++ და C# დეველოპინგის პირველხარისხოვან საშუალებებად.

რაც შეეხება HTML5 და JavaScript-ს, ისინიც იქნება მხარდაჭერილი. თუ კარგად გახსოვთ, მაიკროსოფტმა უკვე მოსინჯა ნიადაგი თავისი ტექნოლოგიით HTA (HTML Application). შესრულებადი HTA-ფაილები შედგება HTML, JavaScript, CSS და სხვა სახის შიგთავსისაგან და ეშვება განსაკუთრებულ სანდო რეჟიმში. ამის ხარჯზე ის შეზღუდვები, რაც ჰქონდა HTML-გვერდს (მაგალითად კომპიუტერის ლოკალურ რესურსებზე წვდომის შეზღუდვა), არა აქვს HTA-ს.

ახალი HTML5-აპლიკაციები არ ეფუძნება HTA-ს, მაგრამ პრინციპები ძალიან მსგავსია. როგორც HTA, HTML5-აპლიკაციები მიიღებენ უფრო მეტ შესაძლებლობას ჰქონდეთ ურთიერთქმედება ოპერაციულ სისტემასთან, ვიდრე ეს შეუძლიათ ჩვეულებრივ ვებ-გვერდებს — მათ შეეძლებათ გამოიყენონ Windows API და ჰქონდეთ ინტერფეისი, ძალიან მსგავსი ჩვეულებრივი აპლიკიციისა. საუკეთესო შემთხვევაში ისინი უნდა იყვნენ .Net-ისა და კლასიკური აპლიკაციების დონეზე, იმ განსხვავებით, რომ გამოიყენებენ HTML5-სა და JavaScript-ს დაკაბდონებისა და პროგრამირების ენად. შედეგად მივიღებთ პროგრამირების სახეს, რომელიც ზალზედ ნაცნობია ვებ-დეველოპრესებისათვის, მაგრამ ფუქნციური შეზღუდვების გარეშე.

Windows 8 — სულაც არ არის დეველოპერის კოშმარი, პირიქით, წინ გადადგმული ნაბიჯია: ნაბიჯი, რომელიც დეველოპინგს მოხერხებულს გახდის როგორც C++ და C#-ისტებისათვის, აგრეთვე ვებ-დეველოპერებისათვის. .Net-ისა და კლასკური კოდის უნიფიკაცია, სრული აპარატურული აჩქარება, თანამედროვე API, Avalon-ი, როგორც Windows-ის ინტერფეისის შექმნის ძირთადი გადაწყვეტილება — ეს ის ყველაფერია, რაც უნდა მიგვეღო Longhorn-ში და რაც შეიძლება, რომ მივიღოთ Windows 8-ში.

ალბათ მალე, სულ მალე ასეთი ტანისამოსი ძვეულებრივი რამ გახდება:

[youtube]http://www.youtube.com/watch?v=wODQVVVsqcg[/youtube]