iPod Touch — ახალი ვერსიის მიმოხილვა

მეგობრებო, როგორც დაგპირდით, გთავაზობთ iPod Touch-ის მიმოხილვას ჩვენს ბლოგში. სატესტო ვერსია როგორც ყოველთვის ოპერატიულად მოგვაწოდა კომპანიამ iphones.ge, რომელიც მდებარეობს ქალაქ თბილისში, ლესელიძის 53 ნომერში. დიდი მადლობა მის ხელმძღვანელს, აკა ხუხაშვილს!

მაშ ასე, შევუდგეთ მიმოხილვას.

პირადად ჩემთვი iPod touch-ი არის იგივე აიფონი, ოღონდ მობილური კავშირის გარეშე. თუმცა ეფლის სმარტფონთან მისი მსგავსება საკმაოდ დიდია. ახალი მოდელი კიდევ უფრო დაუახლოვდა აიფონს პარამეტრებით.

როგორც ცნობილია, მე-4 თაობის iPod touch-ის პრეზენტაცია მოხდა მ.წ. 1 სექტემბერს, სპეციალურ მუსიკალურ ღონისძიებაზე. ახალი მოდელი მთელი რიგი პარამეტრებით ნამდვილად საინტერესო რამაა. და რომ არა უკვე არსებული ახალი აიფონი, აუცილებლად შევიძენდი მას.

ყუთიდან ამოღების შემდეგ (უნდა მოგახსენოთ, რომ როგორც ყოველთვის, ამ შემთხვევაშიც შეფუთვა ძალიან მაღალ დონეზეა) აშკარად შევამჩნევთ, რომ ახალი მოდელი კიდევ უფრო თხელი გახდა და ასე ვთქვათ უფრო „ოთხკუთხედიც“. კორპუსის უკანა ნაწილი ფოლადისგანაა დამზადებული. ერთი მხრივ არაჩვეულებრივად ლამაზია, მეორე მხრივ — საკმაოდ სწრაფად იფარება ცხიმიანი ნათითურებით. ძირითადში დიზიანი ისევ ისეთივეა.

თუ დამკვრელს პირდაპირ შეხედავთ, ვერ დაინახავთ მართვის ღილაკებს, რომლებიც უკანა კედელზეა ისე განტავსებული, რომ არ ჩანს. მთავარი სიახლე გახლავთ VGA-კამერა წინა მხრიდან, მეორე კამერა დამკვრელის უკანა კედელზეა დატანებული.

კორპუსის ქვედა ნაწილში განთავსებულია ყურსაცვამების შესაერთებელი და კომპიუტერთან სინქრონიზაციის (რომელიც ამავდროულად ელკვებისათვის გამოიყენება) კონექტორი. კორპუსი ძალიან მაღალ დონეზეა აწყობილი. მისი ზომებია: 111 x 58.9 x 7.2 მმ, წონა — 101 გრ.

ერთ-ერთი დიდი სიახლე არის აგრეთვე ახალი ეკრანი. პრინციპში არც ძველი ეკრანი იყო ცუდი, მაგრამ ახლა ის განსაკუთრებით მიმზიდველია — 960 x 640 პიქსელზე, ნუ მოკლედ Retina-დისპლეი. შედეგად გამოსახულება ზემკაფიოა და არაჩვეულებრივი.

ახალ მოდელში პროცესორც გამოიცვალა — ახლა მასში აყენია იგივე A4, რაც აქვს ახალ აიფონს. შედეგად წარმადობამ მოიმატა, თანაც მაგრად, ყველა ოპერაცია ძალიან სწრაფად სრულდება.

iOS 4.1-მა მოიტანა ის სიახლეები, რომლის საშუალებითაც შეგიძლიათ ისარგებლოთ FaceTime-ით. მე როგორც იქნა შევძელი და ჩემი აიფონ 4-ის შეძენის შემდეგ პირველად ავამუშავე ეს ფუნქცია. არაჩვეულებრივად ამუშავდა. სიგნალი გადაეცემა კარგად, შეყოვენებეი არ არის. გამოსახულება ძალიან მაღალი ხარისხისაა.

უკანა კედელზე განთავსებულმა კამერამ არაერთგვაროვანი შთაბეჭდილება დატოვა ჩემზე. ერთი მხრივ იღებს HD-ვიდეოს, თანაც საკმაოდ კარგად. მეორე მხრივ ფოტოგადაღებისას გამოდის შედარებით დაბალი ხარისხის (აიფონ 4-თან შედარებით).

iOS 4.1-ის კიდევ ერთი ფუნქცია — სერვისი Game Center, საშუალებას გაძლევთ ადვილად დაუკავშირდეთ მეგობრებს და ერთად ითამაშოთ სხვადასხვა თამაშები.

რაც შეეხება ამ ახალი მოწყობილობის ძირითად ფუნქციას, მუსიკალურ დამკვრელს, ის შეუდარებელია! ხმის ხარისხი ძალიან მაღალია, კომპლექტში შემავალი ყურსაცვამები პრინციპში დამაკმაყოფილებელ ხარისხს იძლევა, თუმცა შეგიძლიათ მიუერთოდ სხვა უფრო ძვირად ღირებული ყურსაცვამებიც.

დასკვნა: iPod Touch 4G — საუკეთესო მულტიმედია მოწყობილობაა ბაზარზე. ის ერთნაირად კარგად ასრულებს მუსიკალური დამკვრელის, ვიდეო დამკვრელის, სათამაშო კონსოლის და ჯიბის კომპიუტერის ფუქნციებს.


Comments

4 responses to “iPod Touch — ახალი ვერსიის მიმოხილვა”

  1. shkt Avatar

    ბოდიში ამ პოსტზე რომ ვწერ მაგრამ …
    ხომ ვერ მეტყვი iphon4 რომელ საიტზე შეიძინე?

    1. delphiknight Avatar
      delphiknight

      მე მეგობარმა ჩამომიტანა ლონდონიდან.

  2. straight ridah Avatar
    straight ridah

    gaixare Delfi! Amis yidvas vgegmav da am mimoxilvis shemdeg kidev ufro gamimdzafrda survili :)

  3. მაგარი დევაისია! ნეტა როდის მეღირსება :(