კომპანიამ დააპატენტა მობილური მოწყობილობების იმგვარი სენსორები, რომლებიც iPhone/iPod Touch–ში ნებისმიერი სითხის მოხვედრას აფიქსირებენ, რითაც მუშაობას უადვილებენ სერვისის თანამშრომლებს. სენსორები ორგვარად დამონტაჟდება: გამოსაჩენ ადგილზე, ან მოწყობილობაში (მაგალითად ყურსაცმების ბუდეში) ჩამალული.
Apple–ს ჯერ არ განუცხადებია, თუ როდის დაიწყებს თავის მოწყობილობებზე სენსორების მონტაჟს, მაგრამ ადრე თუ გვიან ეს აუცილებლად მოხდება, რამეთუ „დამხრჩვალთაგან“ მიყენებული ზარალი რამდენიმე მილიონ დოლარს შეადგენს.